సినిమా పైరసీ కేసులో ప్రధాన నిందితుడిగా గుర్తించిన ఐబొమ్మ వెబ్‌సైట్ నిర్వాహకుడు ఇమంది రవిను పోలీసులు కస్టడీకి తీసుకున్నారు. బషీర్‌బాగ్‌లోని సైబర్‌క్రైమ్ పోలీస్ స్టేషన్‌కు అతడిని తరలించి విచారణ చేపట్టారు. పైరసీ నెట్వర్క్ ఎలా నడిచింది, దేశ-విదేశాల్లో ఉన్న సంబంధాలు ఏమిటి, డేటా సేకరణ ఎలా జరిగిందన్న అంశాలపై అనేక కోణాల్లో అధికారులు రవిని ప్రశ్నిస్తున్నారు. రవిని ఐదు రోజుల పాటు పోలీసు కస్టడీలోకి తీసుకోవడానికి నాంపల్లి కోర్టు బుధవారం అనుమతి ఇవ్వడంతో విచారణ వేగం పెరిగింది.
ఇటీవల హైదరాబాద్ సైబర్‌క్రైమ్ విభాగం ఇమంది రవిని అరెస్ట్ చేసింది. భారతీయ భాషల్లో తయారైన సుమారు 21 వేల సినిమాలను పైరసీ చేసి ఇంటర్నెట్‌లో విపరీతంగా ప్రసారం చేసినట్లు పోలీసులు వెల్లడించారు. కరేబియన్ దీవులను కేంద్రంగా చేసుకుని, గత ఆరు సంవత్సరాలుగా 66 మిర్రర్ వెబ్‌సైట్ల ద్వారా పలు కొత్త సినిమాలను అప్‌లోడ్ చేస్తున్నట్టు దర్యాప్తులో తేలింది. అంతేకాకుండా, రవి సుమారు 50 లక్షల మంది యూజర్ల డేటాను సేకరించి, ఆ డేటాను సైబర్ నేరస్థులు, గేమింగ్ ప్లాట్‌ఫార్ములు మరియు బెట్టింగ్ యాప్ నిర్వాహకులకు విక్రయించి పెద్ద మొత్తంలో డబ్బు సంపాదించినట్లు పోలీసులు తెలిపారు.
ఈ నేపథ్యంలో, ఐదు రోజుల కస్టడీ సమయంలో రవితో మరిన్ని కీలక వివరాలు తెలుసుకునేందుకు అధికారులు విశ్లేషణాత్మకంగా విచారణ కొనసాగించనున్నారు. పైరసీ నెట్వర్క్ మొత్తాన్ని బట్టబయలు చేయడానికి ఈ విచారణ కీలకమని పోలీసులు భావిస్తున్నారు.
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment