‘నీళ్ల సీసాలు మోసి పెద్ద ఇల్లు కట్టుకున్నా!’ – మాజీ భారత క్రికెటర్‌ సరదా వ్యాఖ్య వైరల్

 భారత మాజీ వికెట్ కీపర్‌, బ్యాటర్ పార్థివ్ పటేల్ (Parthiv Patel) చేసిన ఓ సరదా వ్యాఖ్య సోషల్ మీడియాలో ఇప్పుడు వైరల్‌గా మారింది. ఇటీవల ఆయన ఒక కామెడీ షోలో పాల్గొంటూ, 2003 ప్రపంచకప్‌ జ్ఞాపకాలను గుర్తు చేసుకున్నాడు.

2003 వరల్డ్ కప్‌లో మాత్రం ఒక్క మ్యాచ్‌ కూడా ఆడలేదు

2002లో టీమ్‌ ఇండియాకు అరంగేట్రం చేసిన పార్థివ్, ఆ వెంటనే 2003 ప్రపంచకప్‌కు ఎంపికయ్యాడు. అయితే ఆ టోర్నమెంట్‌లో ఒక్క మ్యాచ్‌కూ తుది జట్టులో చోటు దక్కలేదు. ఆ ప్రపంచకప్ ఫైనల్‌లో భారత్‌ 125 పరుగుల తేడాతో ఆస్ట్రేలియాకు ఓడి రన్నరప్‌గా నిలిచింది.

‘పూర్తి వరల్డ్ కప్‌లో నేను వాటర్ బాయ్‌నే!’

ఆ షోలో నీటి గురించి చర్చ మొదలయ్యాక పార్థివ్ చిరునవ్వుతో ఇలా అన్నాడు:

“నీళ్ల విషయం వస్తే నాకు మంచి గుర్తులు ఉన్నాయి. చాలా మ్యాచ్‌ల్లో నేను ‘వాటర్ బాయ్’గా ఉన్నా. రాహుల్ ద్రవిడ్ వికెట్ కీపింగ్ చేస్తుండగా, నేనే డ్రింక్స్ తీసుకెళ్లేవాడిని. 2003 వరల్డ్ కప్ మొత్తం నేను సహచరులకు నీటి సీసాలే అందించా. కానీ అప్పట్లో ఆ సీసాలు మోసి… పెద్ద ఇల్లు కూడా కట్టుకున్నా!” అని సరదాగా చెప్పాడు.

పార్థివ్ చేసిన ఈ చమత్కారం ప్రేక్షకులను మాత్రమే కాదు, క్రికెట్ అభిమానులను కూడా బాగా ఆకట్టుకుంది. ఆయన వ్యాఖ్యలకు సంబంధించిన వీడియో ఇప్పుడిప్పుడే వైరల్ అవుతోంది

17 ఏళ్లకే అరంగేట్రం చేసిన టీమ్ ఇండియా వికెట్ కీపర్ – ఫ్లింటాఫ్ స్లెడ్జింగ్‌పై ఆసక్తికర వ్యాఖ్య

భారత మాజీ వికెట్ కీపర్ పార్థివ్ పటేల్ (Parthiv Patel) ఎంతో చిన్న వయసులోనే అంతర్జాతీయ క్రికెట్‌లో అడుగుపెట్టిన స్టార్. 2002లో ఇంగ్లాండ్ పర్యటనలో భారత్ తరఫున తొలి టెస్టు ఆడి వార్తల్లోకి వచ్చాడు. టెస్టు చరిత్రలో అతి పిన్న వయసులో (17 ఏళ్లు 152 రోజులు) అరంగేట్రం చేసిన వికెట్ కీపర్‌గా ఇప్పటికీ ఆయన రికార్డు నిలిచివుంది.

ఇంగ్లాండ్ పర్యటన జ్ఞాపకాలు – ఫ్లింటాఫ్ స్లెడ్జింగ్

తన తొలి విదేశీ టూర్‌ గురించి మాట్లాడిన పార్థివ్, ఆ సందర్భంలో జరిగిన ఒక వినోదభరిత సంఘటనను పంచుకున్నాడు. ఇంగ్లాండ్ స్టార్ ఆండ్రూ ఫ్లింటాఫ్ తనను స్లెడ్జ్ చేసాడని, కానీ ఆంగ్లయంలో మాట్లడిన అతని డైలాగ్ తనకు అస్సలు అర్థం కాలేదని నవ్వుతూ చెప్పాడు.
ఈ సంఘటన తన కెరీర్‌లో మరిచిపోలేని జ్ఞాపకమని పేర్కొన్నాడు.

కెరీర్ గణాంకాలు

పార్థివ్ పటేల్ భారత్ తరఫున:

• 25 టెస్టులు

• 38 వన్డేలు

• 2 టీ20లు

ఆడాడు. 2018లో తన చివరి అంతర్జాతీయ టెస్టును ఆడిన పార్థివ్, 2020లో అన్ని ఫార్మాట్‌ల క్రికెట్‌కు అధికారికంగా రిటైర్మెంట్ ప్రకటించాడు.

అతని ప్రయాణం చిన్న వయసులో ప్రారంభమైనప్పటికీ, క్రికెట్‌లో ప్రత్యేకమైన గుర్తింపును సాధించిన అరుదైన ఆటగాళ్లలో ఒకడిగా గుర్తింపు పొందాడు.